هذي القصيدة اهداء حق كل من يحب الشعر البدوي
يا خوووك ناولني من التبغ (( باكيت ))
مخنوق .. لو ثوبي بفكك زراره !
البارحه يا سعيد م الشّوق ونّيت
ونّت صويب الحرب في يوم غاره
بايت .. و أقلّب دلّتي لا تقهويت
وأذكر بنان يديه ... لا جيت داره
ذاك الذي أقفا .. و ترك ضلعٍ يبيت
يسج ليييين الليل يلفي نهاره !
يا مل قلبٍ كل ما صاااح غنّيت
تخطر على باله .. هذيك العباره
(( مخطوبه يا سيد الرجال المناعيت
و الله يكون ف"عون قلبك و جاره " ))
من عقبها شفني عن الدرب زلّيت
ما غير أقلّب في بكيت (( الزقاره ))
و آقول : ياللي فاق فعل الطواغيت
أسرفت في قلبٍ هداك الصداره
من صار .. و إنته مشيّدٍ فالحشا بيت
وش بيته .. إلا مشيّدٍ لك إماره
حتى يالي من راد ينساك .. و إن شيت
ما أخون .. لأن الطيب (( طبع الفقاره ))
لكن أنا بطلبك طلبه.. و ياليت
توفي بطلبه .. كل أبوها .. جداره
لا قالوا : اللي حبّك البارحه .. ميت
لا يكون تتمادى و تنسى الزياره
أخاف لا من مت و حضرتك .. ما جيت
أذبح معاي الموت .. هم و مراره !!!
و إن جيتني زاورت قبري و حنّيت
غنّي .. (( حرام الوصل نقطع مساره ))
و أكتب على شاهد مماتي .. " تماديت
لن الحيا من دون وصلك خساره " !!
و إمسح على قبري و تذكّر .. تصاويت
قلبك .. يوم إن الوعد تحت الزباره
و أبكي .. و أنا والله لا أجمع منابيت
جسمي .. و ألملم من مماتي وقاره !
و أرجع ... و نبني بُعدنا للوصل بيت
و نسكن أنا ويّاك .. وأطب الزقاره
....وسلامتكـــــــــم......